Home Security

Proteccion di bo cas (parti pafor)

Hasi un assessment. Tira un bista parti pafor di bo cas, check pa vulnerabilidadnan. E mihor manera pa proteha bo cas parti pafor ta door di check y wak cu e wowonan di e lardon cu kier drenta horta. Di biaha lo bo ripara tur e parti zwaknan na bo cas cu un ladron lo por haci uso pa drenta bo cas. Por ehempel un bentana habri of cu no ta sera bon etc.

Corta matanan pa evita lugarnan pa un lardon por sconde. Si tin lugarnan pa un lardon por sconde, e ta hacie mas facil pe por sconde y observa pa e haci su movishon di entrada.

Traha un cura. (Si bo no tin caba). Un cura ta un bon manera pa separa personanan indesea pafor di bo propiedad.  Un cura di metal/hero solido y cu punta lo ta ideal y esaki mester ta ancra den beton. Si ta trata di un cura di concrete/bloki, tene cuenta cu ta lo no tin bista di parti pafo y deseabel ta pa pone punta nan skerpi parti ariba pa evita personanan bula e cura bin paden di bo tereno.

No laga cosnan di balor den bista poni/benta den cura. Por ehempel Grill di barbecue, bais, tablets, laptop y aparatonan manera boor machine, pressure washer, toolbox, trapi, garetia etc. Esaki ta bira un atraccion pa ladronan haci un bishita. Hasta cosnan di hunga di muchanan por ta un target. Warda esakinan for di bista sea paden of un lugar sera na lock.

Corda lock bo vehiculo y no laga nada di balor den bista di otronan.  Esaki ta un otro atraccion pa personanan indesea pa por kibra drenta den bo auto, maske para den bo mesun cura di cas.

Instala lusnan cu motion detectors. Claridad of luz den anochi ta un enemigo di ladronan. Una bez cu ta anochi y cu un persona jega serca den sercania di e motion detector sensor, esaki ta duna un senjal pa e luz cende. Si ta trata di un persona cu kier haci malo, esaki lo por evita un lardon di haci su trabow. Lo ta ideal pa pone e lusnan aki na e lugarnan strategico di bo cas caminda ta scur regularmente y tambe na entradanan.

Conoce bo bisinjanan. Den un bario of comunidad caminda bisinjanan conoce otro y ta wak pa otro, e chance di ladronicia ta menos. Formando un “neighborhood watch” lo ta ideal y asina lo tin extra wowo en bario. Esaki lo juda sigur y un persona “sospechoso” por wordo gespot hopi liher, door cu lo sa si e lo ta forma parti di e bario si of no.

No laga tools-nan pafor den cura. Lagando toolsnan pafo den cura sigur lo por wordo usa pa drenta den bo mesun cas. Asina aki ta haci e trabow di acceso pa e lardon mas facil, usando bo mesun martiew, screw driver, pata di cabra etc pa drenta horta den bo cas.

Iluminacion den bario. Un bario bon ilumina no ta un bario muchi atractivo pa ladronan. Tuma contacto cu e departamento concerni cu e petishon pa pone iluminacion/lusnan di caya den bo bario si no tin esakinan.

Corta matanan grandi caminda un lardon por haya acceso via e mata pa por drenta bo cura of cas. Ladronan por subi y drenta bo propiedad via matanan cu taki grandi y fuerte. Por ehempel un mata di kwihi cu ta serka di bo cura of cas.

Tene bo bario limpi y netjes. Den un bario cu sushi rond, slordig of pinta cu graffiti, ta duna un senjal cu nungun hende ta worry cu nada. Dus automaticamente ta haci e bario uno atractivo pa ladronan paso nan ta haya un mensaje cu tur cos por y nuin hende lo ta worry cu loke ta pasando. Tuma contacto cu bo polis di bario, departamento di city inspector of DOW pa por planea un accion di limpiesa conhuntamente cu esnan bibando den e bario.

Tene portanan di cura na lock. Un candal na un porta di cura lo ta ideal pa evita acceso indesea y sin aviso. Si bo garashi cu porta, corda mantene esaki sera y na lock na momento cu bo no ta pafor of den

6,609 Comments